2 maar die ongelowige Jode het die manne van ander nasies teen die broers opgestook om hulle kwaad aan te doen.
3 Hulle het ’n lang tyd daar gebly en vrymoediglik in die openbaar aangaande יהוה gepraat en Hy het, deur tekens en wonders deur hulle hande te doen, getuienis gegee aangaande die boodskap van Sy onverdiende guns.
4 Die mense van die stad was egter verdeeld; sommige saam met die Jode en ander saam met die afgevaardigdes.
5 Daar was egter ’n besluit van húlle van die ander nasies en ook die Jode, saam met hulle leiers, om hulle aan te val en met klippe te stenig.
6 Toe hulle dit te wete kom het hulle na die stede van Lukaonia: Lustra, Derbe en die dorpies rondom, gevlug.
7 Daar het hulle die goeie boodskap verkondig.
8 In Lustra het daar ’n sekere man gesit wat nie sy voete kon gebruik nie. Kreupel, van geboorte af het hy nog nooit geloop nie.