4 Die mense van die stad was egter verdeeld; sommige saam met die Jode en ander saam met die afgevaardigdes.
5 Daar was egter ’n besluit van húlle van die ander nasies en ook die Jode, saam met hulle leiers, om hulle aan te val en met klippe te stenig.
6 Toe hulle dit te wete kom het hulle na die stede van Lukaonia: Lustra, Derbe en die dorpies rondom, gevlug.
7 Daar het hulle die goeie boodskap verkondig.
8 In Lustra het daar ’n sekere man gesit wat nie sy voete kon gebruik nie. Kreupel, van geboorte af het hy nog nooit geloop nie.
9 Hy het geluister terwyl Sha’ul praat en Sha’ul het hom stip dopgehou en, toe hy sien dat hy die vertroue het om lewe te ontvang,
10 met ’n harde stem vir hom gesê: “Vir jou sê ek in die Karakter en Outoriteit (Naam) van ons Meester, Yeshua, Die Gesalfde Een, staan regop op jou voete!” Hy het opgespring en rondgeloop,