1 Toe Festos in Kaisareia aangekom het, het hy na drie dae opgegaan na Yerushalayim.
2 Die leierpriesters en die leiers van die Jode het hom oor Sha’ul ingelig en hom,
3 as ’n guns, gevra om hom na Yerushalayim te bring, (terwyl hulle ’n hinderlaag beplan om hom op die pad dood te maak).
4 Daarop het Festos geantwoord dat Sha’ul in Kaisareia bewaak word en dat hy self spoedig daarheen sou gaan.
5 “Laat dan dié onder julle,” sê hy, “wat bevoeg is, saamgaan en as daar iets verkeerds in hierdie man is, hom beskuldig.”