1 Sa ikawalong bulan sa ikaduhang tuig sa paghari ni Darius sa Persia, may gisulti ang Ginoo kang Propeta Zacarias. Kini si Zacarias anak ni Berekia ug apo ni Iddo.
2-3 Gisugo sa Ginoo nga Makagagahom si Zacarias nga isulti kini ngadto sa katawhan sa Israel:“Nasuko ako pag-ayo sa inyong mga katigulangan. Karon, balik kamo kanako ug tabangan ko kamo.
4 Ayaw ninyog sunda ang gibuhat sa inyong mga katigulangan. Gisugo ko kaniadto ang mga propeta nga sultihan sila nga talikdan na nila ang ilang daotang mga binuhatan, apan wala sila maminaw kanako. Wala gayod sila mituman kanako.
5 Ang inyong mga katigulangan ug kadto nga mga propeta nangamatay na.