18 ប្រសិនបើអំបូររបស់ជនជាតិអេស៊ីបមិនឡើងមកទេ ព្រះអម្ចាស់នឹងធ្វើឲ្យគ្រោះកាចកើតមានចំពោះពួកគេដូចប្រជាជាតិនានាដែលមិនព្រមឡើងមកប្រារព្ធពិធីបុណ្យបារាំដែរ។
19 ទោសនេះនឹងកើតមានចំពោះស្រុកអេស៊ីបនិងប្រជាជាតិទាំងអស់ដែលមិនឡើងមកប្រារព្ធពិធីបុណ្យបារាំ។
20 នៅថ្ងៃនោះ គេនឹងចារឹកអក្សរនៅលើកណ្ដឹងដែលគេពាក់ឲ្យសេះថា“ញែកថ្វាយព្រះអម្ចាស់”។រីឯថ្លាងសម្រាប់ស្ងោរសាច់នៅក្នុងព្រះដំណាក់របស់ព្រះអម្ចាស់ក៏គេចាត់ទុកជាសក្ការៈដូចចានសម្រាប់ប្រោះឈាមដែលស្ថិតនៅក្បែរអាសនៈដែរ។
21 ថ្លាងទាំងអស់នៅក្រុងយេរូសាឡឹមនិងនៅក្នុងស្រុកយូដាត្រូវញែកថ្វាយព្រះអម្ចាស់នៃពិភពទាំងមូល។អស់អ្នកដែលមកថ្វាយយញ្ញបូជានឹងប្រើថ្លាងទាំងនោះសម្រាប់ស្ងោរសាច់។នៅថ្ងៃនោះ លែងមានអ្នកលក់ដូរនៅក្នុងព្រះដំណាក់របស់ព្រះអម្ចាស់នៃពិភពទាំងមូលទៀតហើយ។