6 ព្រះហស្តឆ្វេងទ្រង់ទ្រក្បាលខ្ញុំហើយព្រះហស្តស្តាំក៏ឱបខ្ញុំ
7 ឱពួកកូនស្រីក្រុងយេរូសាឡិមអើយខ្ញុំចាប់ឲ្យនាងរាល់គ្នាស្បថដោយនូវពួកប្រើសនិងពួកក្តាន់នៅវាលថានាងទាំងឡាយនឹងមិនអង្រួន ឬដាស់ស្ងួនសំឡាញ់របស់ខ្ញុំឡើយចាំទាល់តែទ្រង់សព្វព្រះទ័យ។
8 ៙ នុ៎ះន៏ សំឡេងរបស់ស្ងួនសំឡាញ់ខ្ញុំមើល ទ្រង់មកហើយ កំពុងតែផ្លោះនៅលើភ្នំហើយលោតសំទុះក្អែក នៅលើទួល
9 ស្ងួនសំឡាញ់របស់ខ្ញុំប្រៀបដូចជាប្រើស ឬក្តាន់ស្ទាវមើល ទ្រង់ឈរនៅខាងក្រៅកំផែងហើយទ្រង់អើតមើលតាមបង្អួចហើយក្រឡេកមើលតាមចន្លោះប្រដឹស។
10 ៙ ស្ងួនសំឡាញ់របស់ខ្ញុំបានមានព្រះបន្ទូលនឹងខ្ញុំថាមាសសំឡាញ់អើយ ចូរក្រោកឡើងស្រស់ប្រិមប្រិយអើយ ចូរចេញមក
11 ដ្បិតមើល រដូវរងាកន្លងទៅហើយភ្លៀងក៏រាំងស្រឡះហើយដែរ
12 ផ្កាទាំងប៉ុន្មានកំពុងតែលេចឡើងនៅផែនដីពេលដែលសត្វហើរយំកញ្ជ្រៀវបានមកដល់ក៏ឮសំឡេងលលកនៅក្នុងស្រុកយើងហើយ