26 ထာဝရဘုရားသည် သင်တို့အတွက် ငါ့ကိုအမျက်ထွက်တော်မူသောကြောင့်၊ ငါ့စကားကိုနားထောင်တော်မမူ။ ထာဝရဘုရားကလည်း၊ တန်တော့၊ ဤအမှုနှင့်ဆိုင်သောစကားကို နောက်တဖန်မလျှောက်နှင့်။
27 ပိသဂါတောင်ထိပ်ပေါ်သို့တက်ပြီးလျှင်၊ အရှေ့၊ အနောက်၊ တောင်၊ မြောက် လေးမျက်နှာသို့မြော်၍ ထိုပြည်ကိုကြည့်ရှုလော့။ ယော်ဒန်မြစ်ကိုမကူးရ။
28 သို့ရာတွင် ယောရှုကိုမှာခဲ့၍အားပေးလော့။ မစထောက်ပင့်လော့။ သူသည် ဤလူမျိုးရှေ့မှာသွား၍၊ သင်မြင်ရသောပြည်ကိုအမွေခံစေရမည်ဟု ငါ့အား မိန့်တော်မူ၏။
29 ထိုသို့ ငါတို့သည် ဗက်ပေဂုရမြို့တဘက်၌ရှိသောချိုင့်တွင် နေရကြ၏။