ဧ​ဖက်​ဩ​ဝါ​ဒ​စာ 3:1-5 MSB

1 ထို​အ​ကြောင်း​ကြောင့် ငါ​ပေါ​လု​သည် သင်​တို့​လူ​မျိုး​ခြား​များ​အ​တွက် ခ​ရစ်​တော်​ယေ​ရှု​နှင့်​ဆိုင်​သော​အ​ကျဉ်း​သား​ဖြစ်​၏။

2 သင်​တို့​အ​တွက် ငါ့​အား​ပေး​အပ်​တော်​မူ​သော ဘု​ရား​သ​ခင်​၏​ကျေး​ဇူး​တော်​နှင့်​ဆိုင်​သည့် စီ​မံ​ခန့်​ခွဲ​မှု​ကို သင်​တို့​ကြား​သိ​ကြ​သည်​ဟု ငါ​ယူ​ဆ​၏။

3 အ​ထက်​က အ​ကျဉ်း​မျှ ငါ​ရေး​ထား​သည့်​အ​တိုင်း ဤ​လျှို့​ဝှက်​နက်​နဲ​သော​အ​ရာ​ကို ဗျာ​ဒိတ်​တော်​အား​ဖြင့် ငါ့​အား​သိ​စေ​တော်​မူ​၏။

4 ၎င်း​ကို​ဖတ်​လျှင် ခ​ရစ်​တော်​၏​လျှို့​ဝှက်​နက်​နဲ​သော​အ​ရာ​အား ငါ​မည်​သို့​တတ်​သိ​နား​လည်​ထား​သည်​ကို သင်​တို့​သိ​နိုင်​ကြ​၏။

5 ဘု​ရား​သ​ခင်​သည် ထို​လျှို့​ဝှက်​နက်​နဲ​သော​အ​ရာ​ကို မိ​မိ​၏​သန့်​ရှင်း​သော​တ​မန်​တော်​များ​နှင့်​ပ​ရော​ဖက်​များ​အား ဝိ​ညာဉ်​တော်​အား​ဖြင့် ယ​ခု​ဖွင့်​ပြ​တော်​မူ​သ​ကဲ့​သို့ အ​ခြား​သော​ခေတ်​ကာ​လ​များ​၌ လူ​သား​တို့​အား သိ​စေ​တော်​မ​မူ​ခဲ့​ပေ။