19 တောငန်း၊ ဒုံးစပ်မျိုး၊ ဒုံးကုလား၊ လင်းနို့မှစ၍၊
20 အတောင်ရှိလျက် ခြေလေးချောင်းနှင့် တွားတတ်သော တိရစ္ဆာန်မျိုးရှိသမျှတို့သည် သင်တို့၌ ရွံရှာဘွယ်ဖြစ်ရကြမည်။
21 သို့ရာတွင် အတောင်ရှိလျက်ခြေလေးချောင်းနှင့် တွားတတ်၍၊ မြေပေါ်မှာ ခုန်စရာဘို့ အခြားခြေထက်ရှည်သော ခြေထောက်ရှိသောတိရစ္ဆာန်တို့တွင်၊
22 အာရာဘကျိုင်းမျိုး၊ သလောင်ကျိုင်းမျိုး၊ ခရဂလကျိုင်းမျိုး၊ ခါဂပ်ကျိုင်းမျိုးကို စားရမည်။
23 အတောင်ရှိ၍ခြေလေးချောင်းနှင့် တွားတတ်သောအခြားတိရစ္ဆာန်တို့သည် သင်တို့၌ ရွံရှာဘွယ်ဖြစ်ရကြမည်။
24 ထိုတိရစ္ဆာန်အားဖြင့် သင်တို့စင်ကြယ်ခြင်း ပျက်တတ်၏။ သူတို့အသေကောင်ကိုထိသောသူသည်၊ ညဦးတိုင်အောင် မစင်ကြယ်။
25 ထိုအသေကောင်ကိုဆောင်သွားသောသူသည် မိမိအဝတ်ကိုလျှော်ရမည်။ ညဦးတိုင်အောင်လည်း မစင်ကြယ်။