5 Herren såg at vondskapen til menneska var stor på jorda, for alt dei ville og planla i hjartet, var vondt, dagen lang.
6 Då angra Herren at han hadde laga menneske på jorda, og han var full av sorg i hjartet.
7 Og Herren sa: «Eg vil utrydda menneska som eg har skapt, frå jorda, alt frå menneska til feet, krypdyra og fuglane under himmelen. For eg angrar at eg har laga dei.»
8 Men Noah fann nåde for Herrens auge.
9 Dette er slektshistoria til Noah. Noah var ein rettferdig mann, ein heiderleg mann i si tid. Noah vandra med Gud.
10 Han fekk tre søner: Sem, Ham og Jafet.
11 Men jorda vart forderva for Guds andlet. Ho vart full av vald.