14 Auā ‘ua ‘ato‘atoa le tulafono uma lava i le ‘upu e tasi, o lenei, “‘Ia e alofa atu i lē lua te tuā‘oi, ‘ia pei o oe lava ‘iā te oe.”
15 ‘Ae ‘āfai tou te feūta‘i ma fe‘aina‘i, ‘ia ‘outou ‘ina ne‘i fa‘aumatia ‘outou ‘iā te ‘outou.
16 ‘Ou te fai atu, ‘ia ‘outou sāvavali i la le Agaga, ‘ona lē faia lea e ‘outou o le tu‘inanau o le tino.
17 Auā o le tino ‘ua tu‘inanau lea e tete‘e atu i le Agaga, ‘ua tu‘inanau fo‘i le Agaga e tete‘e atu i le tino; ‘ua fete‘ena‘i fo‘i ia mea o le mea lea tou te lē fai ai mea tou te loto i ai.
18 ‘Ae ‘āfai e ta‘ita‘iina ‘outou e le Agaga, ‘ua lē nonofo ‘outou i le tulafono.
19 ‘Ua iloa tino fo‘i galuega a le tino, o mea fa‘apenei; o le mulilua, o le faita‘aga, o le amio leaga, o le mataitu,
20 o le ifo i tupua, o le fai togafiti fa‘ataulāitu, o le feitaga‘i, o le femisa‘i, o le losilosi vale, o le lotoa, o le finau vale, o le fēvaevaea‘iga, o māseiga,