O Tusi i Roma
Le mataupu 5:5-11
O LE TUSI PA'IA - Ekalesia Katoliko Roma
5o le fa‘amoemoe fo‘i e lē mā ai, auā ‘ua fa‘amaligi mai le alofa o le Atua i o tatou loto e le Agaga Pa‘ia ‘ua foa‘iina mai ‘iā te i tatou.
6Auā na maliu Keriso i ona po e tatau ai, ‘ina o vaivai pea i tatou o le sui o ia o ē fa‘alēmata‘u.
7Auā e toe ‘ina lē mafai ‘ona oti o se tasi e sui a‘i lē ‘ua amiotonu; a o lē ‘ua agalelei, atonu pe fa‘amalosi se tasi ‘ona oti e sui a‘i o ia;
8a ‘ua fa‘aalitinoina mai e le Atua lona lava alofa ‘iā te i tatou, ‘ina ‘ua maliu Keriso ma sui o i tatou, a o tatou agasala pea.
9O lenei, ‘ua ta‘uamiotonuina nei i tatou i lona toto, e lē fa‘aolaina ‘ea i tatou e ia a‘i le to‘asā i se a?
10Auā ‘āfai ‘ua lelei i tatou ma le Atua i le maliu o lona Alo, ‘ina o fai i tatou mōna fili, e matuā fa‘aolaina lava i tatou i lona soifua, o i tatou ‘ua lelei ma ia.
11‘Ae lē gata i lea, a ‘ua tatou mitamita fo‘i i le Atua, ‘ona o lo tatou Ali‘i o Iesu Keriso, o ia ‘ua tatou maua mai ai nei le leleiga.