Hosea
Le mataupu 5:12-15
O LE TUSI PA'IA - Ekalesia Katoliko Roma
12O a‘u fo‘i e pei o se mogamoga i Efaraima; e pei o se mea e pala fo‘i i le ‘āiga o Iuta.
13Na iloa e Efaraima, lona ma‘i, na iloa fo‘i e Iuta lona manu‘a, ‘ona alu lea o Efaraima i Asuria, na alu lana fe‘au ‘iā Iarepa le tupu; a ‘ua lē mafai lava ‘iā te ia ‘ona fa‘amālōlō ‘iā te ‘outou, pe fa‘amafuina o ‘outou manu‘a.
14Auā e ‘avea a‘u e pei o se leona ‘iā Efaraima, e pei o se leona ta‘anoa fo‘i i le ‘āiga o Iuta; o a‘u lava ‘ou te saeia ma alu ‘ese, ‘ou te ‘ave‘esea, e leai fo‘i sē na te lavea‘iina.
15‘Ou te alu, ‘ou te toe fo‘i lava i le mea ‘ou te nofo ai, se‘ia fa‘asalaina lava i latou ma latou sā‘ili ‘iā te a‘u; latou te vave sā‘ili ‘iā te a‘u pe a puapuagātia i latou:#