56 Kur një shërbëtore e pa Pjetrin të ulur pranë zjarrit, ia nguli sytë dhe tha: «Edhe ky njeri ishte me të».
57 Por Pjetri e mohoi dhe tha: «Grua, unë nuk e njoh atë».
58 Pak më vonë dikush tjetër e pa Pjetrin dhe tha: «Edhe ti je një nga ata». Por Pjetri tha: «Nuk jam, o njeri».
59 Pas rreth një ore, edhe një tjetër nguli këmbë e tha: «Është e vërtetë që edhe ky ishte me të, sepse është galileas».
60 Por Pjetri tha: «O njeri, nuk e di për çfarë po flet». Atë çast, ndërkohë që ai po fliste, këndoi gjeli.
61 Atëherë Zoti u kthye dhe vështroi Pjetrin. Pjetrit iu kujtuan fjalët e Zotit kur i kishte thënë: «Sot, para se të këndojë gjeli, ti do të më mohosh tri herë».
62 Pastaj doli përjashta dhe qau me hidhërim.