5 Gratë i zuri frika dhe ranë me fytyrë përdhe, por burrat u thanë: «Përse e kërkoni të gjallin ndër të vdekurit? Ai nuk është këtu. Është ngjallur.
6 Kujtohuni se çfarë ju tha kur ishte në Galile,
7 se si Biri i njeriut duhet t’u dorëzohej mëkatarëve, të kryqëzohej dhe të tretën ditë të ngjallej».
8 Ato kujtuan fjalët e tij
9 dhe kur u kthyen nga varri, u treguan gjithçka të njëmbëdhjetëve dhe të gjithë të tjerëve.
10 Ishin Maria Magdalena, Joana, Maria nëna e Jakobit dhe gratë e tjera që rrinin me to. Ato ua treguan këto gjëra apostujve,
11 por atyre iu dukën të pakuptimta këto fjalë dhe nuk u besuan.