Diketso

³⁷Empa eo Modimo o mo tsositseng, ha a ka a bona ho bola. ³⁸Banna ba heso, tsebang kahoo hobane tshwarelo ya dibe le e boleletswe ka yena, ³⁹le hoba e mong le e mong ya dumelang ho yena o bewa ya lokileng nthong tseo le neng le sitwa ho bewa ba lokileng ho tsona ke molao wa Moshe. ⁴⁰Iponeleng ke hona, esere mohlomong se boletsweng ke baporofeta sa le hlahela, se reng: ⁴¹Bonang, lona banyatsi, le makale, mme le timele; hobane ke tla etsa mosebetsi mehleng ya lona, mosebetsi oo le ke keng la o dumela, leha e mong a ka le bolella. ⁴²Eitse hobane ba tswe sinagogeng ya Bajuda, baditjhaba ba rapela hore, ka Sabatha e tlang, ba bolellwe ditaba tseo le bona. ⁴³Eitse ha phutheho e se e qhalane, Bajuda ba bangata, le Baporoselite ba sebeletsang Modimo, ba latela Pauluse le Barnabase; bao, yare ha ba bua le bona, ba ba kgothatsa ho tiisetsa mohaung wa Modimo.