Diketso

²Empa Bajuda ba sa kang ba dumela, ba tsosa baditjhaba, hore dipelo tsa bona di tle di halefele baena. ³Leha ho le jwalo, ba hlola teng matsatsi a mangata, ba bolela ba itshepisitse ka Morena, ya neng a tiisa lentswe la mohau wa hae ka ho etsa mehlolo le meeka ka matsoho a bona. ⁴Yaba bongata ba motse jwa kgaohana, ba bang ba emetse Bajuda, ba bang ba emetse baapostola. ⁵Yare ha moferefere o etswa ke baditjhaba le Bajuda le babusi ba bona, hore ba ba etse hampe, le ho ba tlepetsa, ⁶baapostola ha ba utlwa hoo, ba tshabela metseng e meng ya Likaonia, e leng Listra le Derba, le dinaheng tsa teng. ⁷Le teng ba ne ba bolela Evangeli. ⁸Monna e mong o ne a le teng Listra ya neng a holofetse maoto haesale a etswa popelong ya mmae, a sa tsebe ho tsamaya.