Diketso

²⁰Empa yare ha barutuwa ba mo teela hare, a tsoha, mme a kena motseng.Hosasane, a ikela Derba le Barnabase. ²¹Eitse hobane ba bolele Evangeli motseng oo, mme ba etse barutuwa ba bangata, ba kgutlela Listra, le Ikone, le Antioke, ²²ba ntse ba tiisa dipelo tsa barutuwa, ba ba kgothatsa ho tiya tumelong, mme ba ba lekanyetsa hore e ka kgona re kene mmusong wa Modimo ka matshwenyeho a mangata. ²³Ba bea baholo kerekeng e nngwe le e nngwe, ka ho rapela le ka ho itima dijo, ba ntoo ba bea mohaung wa Morena, eo ba dumetseng ho yena. ²⁴Ba feta ka Pisidia, ba ya Pamfilia. ²⁵Ba bolela lentswe Perge, ba ntoo theohela Attalia. ²⁶Ha ba tloha teng, ba kgutlela Antioke ka sekepe, e leng moo ba neng ba laeleditswe mohaung wa Modimo, ho ya mosebetsing oo ba sa tswa o phetha.