Diketso

²⁶banna bao ba tetseng bophelo ba bona ka baka la lebitso la Morena wa rona Jesu Kreste. ²⁷Jwale, re le romela Juda le Silase, mme le bona ba tla le bolella ka molomo ditaba tsona tsena: ²⁸Ho hopotswe ke Moya o Halalelang le ke rona, hore re se ke ra le jarisa boima bo fetisang, haese ba ditaba tsena tse tshwanelang, ²⁹e leng ho tela tse hlabetsweng medimo, le madi, le tse fenethilweng, le bofebe; ha le itima ntho tseo, etlaba le etsa hantle. Salang ka kgotso! ³⁰Bao, eitse ha ba romilwe jwalo, ba ya Antioke; ba bokella bongata jwa badumedi, mme ba ba nea lengolo leo. ³¹Yare hobane ba le bale, ba thaba haholo ka baka la kgothatso ya bona. ³²Juda le Silase le bona, e neng e le baporofeta, ba kgothatsa baena ka dipolelo tse ngata, mme ba ba tiisa.