Diketso

¹⁸Ba bangata ba dumetseng ba tla, ba ipolela le ho pepesa diketso tsa bona. ¹⁹Le ba bangata ba neng ba tshepile ditaba tsa bonohe, ba tlisa dibuka tsa bona, ba di tjhesa pela bohle; ha ho lekanngwa theko ya tsona, ha fihlelwa hoba e lekane le ditjhelete tsa silefera tse dikete tse mashome a mahlano. ²⁰Lentswe la Morena la nna la ata jwalo, la sebetsa ka matla. ²¹Kamora tseo, Pauluse a rera, ka kgopotso ya Moya, ho ya Jerusalema, ka tsela ya Masedonia le ya Akaea, a re: Etlare ha ke ile teng, e ka kgona ke bone le Roma. ²²Yaba o romela Masedonia, ba babedi ho ba mo tlatsang, e le Timothea le Eraste; haele yena, a hlola Asia matsatsi a mang. ²³Empa mehleng eo, moferefere o moholoholo wa hlaha bakeng sa Tsela ya Morena. ²⁴Hobane setei se seng sa silefera, se bitswang Demetriuse, se sebetsang ditempelana tsa Diana tsa silefera, se ne se ruisa haholo ba sebetsang mosebetsi oo;