Diketso

²⁰Letsatsi le tla fetolwa lefifi, le kgwedi e fetolwe madi, tsatsi la Morena le leholo, le kganyang, le eso ho tle. ²¹Mme e mong le e mong ya tla rapela lebitso la Morena o tla bolokeha. ²²Banna ba Iseraele, utlwang taba tsena: Jesu wa Nasaretha, monna eo le mo supisitsweng ke Modimo ka diketso tse matla, le ka meeka, le ka mehlolo eo Modimo o e entseng ka yena hara lona, jwalokaha le tseba le lona, ²³o teletswe lefu ka morero o tiileng wa Modimo, le ka ho itsebela pele ha wona, mme le mo thakgisitse ka matsoho a bakgopo, le mmolaile. ²⁴Modimo o mo tsositse, wa mo lokolla ditlamong tsa lefu, kahobane ho ne ho se kamoo a ka tiiswang kateng, ke lona ruri. ²⁵Hobane Davida ha a mmolela, o itse: Ke beile Morena kamehla pela mahlo a ka, hobane o letsohong la ka le letona, ke tle ke se ke ka sisinngwa. ²⁶Pelo ya ka e thabile ke hona, le leleme la ka le nyakaletse; esita le yona nama ya ka e tla phomola ka tshepo.