Diketso

³²Mme jwale, banabeso, ke le laeletsa ho Modimo, le ho lentswe la mohau wa wona, o nang le matla a ho le hahisa, le ho le nea lefa hammoho le bahalaledi bohle. ³³Ha ke a ka ka lakatsa silefera, leha e le kgauta, leha e le kobo ya e mong. ³⁴Mme le a tseba e le lona hobane matsoho ana a sebeditse se neng se hlokwa ke nna le ke bao ke neng ke na le bona. ³⁵Ke le bontshitse nthong tsohle hobane ke ka ho sebetsa jwalo ho tshwanetsweng ho thuswa bafokodi, le ho elellwa taba ya Morena Jesu, eo a e boletseng ka sebele sa hae, ha a re: Ho nea ke leseho le fetisang la ho fuwa. ³⁶Eitse hobane a bolele taba tseo, a kgumama ka mangwele, a rapela le bona bohle. ³⁷Yaba ba tshwarwa bohle ke ho lla haholoholo; ba itihela molaleng wa Pauluse, ba mo aka. ³⁸Haholo ba ne ba hlomohile ke taba eo a ba boleletseng yona, ha a itse, ba ke ke ba boela ba bona sefahleho sa hae. Mme ba mo felehetsa ho fihla sekepeng.