Diketso

⁹Pauluse ha a ntse a isa halelele, mohlankana ya bitswang Eutike, ya neng a dutse sefensetereng, a tshwarwa ke boroko bo boholo, mme ha a se a hlotswe ke boroko, a wela fatshe a le tlung eo e kahodimo, e leng ya boraro, a ba a nkwa a shwele. ¹⁰Empa Pauluse a theoha, a inama hodima hae, a mo hamarela, a re: Se tshoheng, hobane moya wa hae o sa le ka ho yena. ¹¹A boela a nyoloha, a ngwatha bohobe, mme eitse hobane ba je, a boela a ba kgothatsa, ha ba ha esa, a ntoo tloha. ¹²Mme ba boya le mohlankana eo a phela, mme ba tshediswa haholo ke hoo. ¹³Haele rona, ra kena sekepeng, ra sesisetsa Asone, moo re neng re tshwanetse ho teana le Pauluse; hobane o ne a laetse jwalo, ka ho re, yena o tla tsamaya ka maoto. ¹⁴Eitse hobane re boele re teane Asone, ra mo nka, ra ya le yena Mitilene. ¹⁵Ha re tloha teng ka sekepe, hosasane ra fihla mabapa le Kio; ka le hlahlamang ra tshwara lebopo la Samose; yare hobane re dule hanyenyane Trogillo, ka le hlahlamang ra fihla Mileta.