Diketso

⁹O ne a ena le baradi ba bane, barwetsana ba porofetang. ¹⁰Yare ha re hlotse teng matsatsi a mang, moporofeta e mong, ya bitswang Agabuse, a fihla a etswa Judea. ¹¹Eitse hobane a tle ho rona, a nka senyepa sa Pauluse, a itlama matsoho la maoto ka sona, a re: Moya o Halalelang o bolela, o re: Monna eo senyepa sena e leng sa hae, Bajuda ba tla mo tlama jwalo Jerusalema, ba be ba mo neele matsohong a baditjhaba. ¹²Jwale, ha re utlwa taba tseo, ra mo rapela, re ena le ba motse oo, hore a se ke a nyolohela Jerusalema. ¹³Pauluse a mpa a araba, a re: Le etsang ha le lla jwalo, le ho tepeletsa pelo ya ka? Athe ke itokiseditse, e seng ho tlangwa feela, empa e le le ho shwela lebitso la Morena Jesu Jerusalema. ¹⁴A hana ho kgodiswa ke rona, ra ba ra kgutsa, ra re: Ho etswe se ratwang ke Morena! ¹⁵Kamora ditshiu tseo, ha re se re itokisitse, ra nyolohela Jerusalema.