Diketso

²⁵Eitse ha ba mo tlamile ka marapo, Pauluse a re ho molaodi wa lekgolo ya emeng moo: Hleka le na le tokelo ya ho shapa motho wa Roma, a eso ho ahlolwe na? ²⁶Yare ha molaodi wa lekgolo a utlwa hoo, a ya bolella molaodi wa sekete, a re: O iponele ho seo o ya se etsa; hobane motho eo ke Moroma. ²⁷Yaba molaodi wa sekete o tla ho Pauluse, mme a re ho yena: Ako mpolelle hore na o fela o le Morena na? A re: E, ke yena. ²⁸Molaodi wa sekete a re: Seboko seo ke itheketse sona ka theko e kgolo. Pauluse a re: Nna, ke se tswaletswe. ²⁹Yaba ba neng ba ya mmotsa ka ho mo shapa, ba phakisa ba tloha ho yena, mme molaodi wa sekete le yena a tshaba, ha a utlwa hore ke Moroma, kahobane a ne a mo tlamile. ³⁰Ka hosasane, kahobane a ne a rata ho tseba ruri seo Bajuda ba mo qosang ka sona, a mo tlamolla, mme a laela hore baprista ba baholo le ba lekgotla kaofela ba bokane, a ntoo tlisa Pauluse, a mmea pela bona.