Diketso

¹⁷Pauluse a bitsa e mong wa balaodi ba lekgolo, a re ho yena: Isa mohlankana enwa ho molaodi wa sekete; hobane o na le taba eo a tla mmolella yona. ¹⁸Yaba eo o mo nka, a mo isa ho molaodi wa sekete, a re: Motlamuwa Pauluse o mpitsitse, o kopile hore ke tlise mohlankana enwa ho wena; o na le taba eo a tla o bolella yona. ¹⁹Molaodi wa sekete a mo tshwara ka letsoho, a tswela thoko le yena, a mmotsa, a re: Taba ke efe eo o mpolellang yona? ²⁰Eo a re: Bajuda ba rerile hammoho hore ba tla o kopa hore o tle o romele Pauluse kgotla hosasane, ba etse jwaloka hoja ba rata ho botsisisa ditaba tsa hae. ²¹Empa wena, o se ke wa ba dumela; hobane banna ba fetang mashome a mane ba mo laletse, ba ikanne ka ho hlapanya hore ba ke ke ba eja, leha e le ho nwa, ba eso ho mmolaye; le jwale, ba se ba itokisitse, ba lebeletse karabo ya hao feela. ²²Yaba molaodi wa sekete o kgutlisa mohlankana eo, a mo laela, a re: O se ke wa ba wa bolella motho hoba o ntsebisitse taba tseo. ²³Eitse hobane a bitse balaodi ba babedi ba lekgolo, a re ho bona: Lokisang bahlabani ba makgolo a mabedi, le bakalli ba mashome a supileng, le ba diqha ba makgolo a mabedi, ba tle ba ye Sesarea ka hora ya boraro ya bosiu.