Diketso

²⁷Bajuda ba tshwere monna enwa, mme ha ba se ba tla mmolaya, ke fihlile le bahlabani, ka ba amoha yena, ha ke utlwa hoba ke Moroma. ²⁸Mme ka ho rata ho tseba seo ba mo qosang ka sona, ke mo isitse lekgotleng la bona. ²⁹Moo ke fihletse hoba ba mo qosa ka ditaba tsa molao wa bona, empa ho se molato ho yena o tshwanetseng lefu, leha e le mahlaahlela. ³⁰Jwale, erekaha ke boleletswe hoba Bajuda ba laletse monna enwa, ke mo rometse ho wena kapele, mme ke laetse baqosi ba hae hore tseo ba mo qosang ka tsona ba di bolelle wena. Dumela! ³¹Bahlabani ba etsa kamoo ba laetsweng kateng, ba ya le Pauluse, ba mo isa Antipatrise bosiu. ³²Ka hosasane, ba tlohela Pauluse le bakalli hore ba ye le yena, mme bona ba kgutlela qhobosheaneng. ³³Yare bao ha ba fihla Sesarea, ba nea mmusisi lengolo leo, ba ba ba hlahisa Pauluse pela hae.