Diketso

²Hobane a bitswe, Tertullo o qala ho mo qosa, a re: ³Felikse ya kgabane, re ke ke ra lesa ho hopola kahohle le kamehla ka teboho yohle kamoo re nang le kgotso e kgolo kateng, ka wena, le mahlohonolo a hlahetseng setjhaba sena ka paballo ya hao. ⁴Empa, ka ho re, ke se ke ka o diehisa, ke a o rapela, ke re: o ke o mamele, ka mosa wa hao, tseo re o bolellang tsona ka mantswe a se makae. ⁵Re re, re fihletse monna enwa e le lefu, o ferekanya Bajuda bohle ba ahileng lefatsheng lohle: ke hlooho ya thuto e kgelohileng ya Banasaretha. ⁶O bile o lekile ho silafatsa tempele. Re mo tshwere, ra rata ho mo ahlola ka molao wa rona. ⁷Empa Lisiase, molaodi wa sekete, a hlaha, a re amoha yena ka matla a maholo, ⁸a ba a laela banqosi ba hae ho tla pela hao. Le wena ha o mmotsisisa, o tla fihlela ho yena nnete ya ditaba kaofela tseo re mo nqosang ka tsona.