Diketso

⁹Haele nna, efela ke ne ke lekantse hore ke tshwanetse ho etsa ho hongata ho lwantsha lebitso la Jesu wa Nasaretha ka hona. ¹⁰Ka fela ka etsa jwalo Jerusalema, ka kwalla bahalaledi ba bangata teronkong, ka matla ao ke neng ke a neilwe ke baprista ba baholo; le mohla ba neng ba bolawa, le nna ke ne ke dumela. ¹¹Masinagogeng wohle hangata ka ba tsohela matla, ka ba otla, ka ba qophella hore ba nyefole; mme kahobane ke ne ke ba halefetse haholoholo, ka ba hlorisa le ho isa metseng ya ditjhaba. ¹²Yare ha ke ntse ke hopotse tseo, ke ya Damaseka ka matla le ka taelo ya baprista ba baholo, ¹³hela! morena, e le motshehare, ha ke le tseleng, ka bona lesedi le tswang lehodimong, le fetisang la letsatsi ka ho kganya, le nteela hare le bao ke tsamayang le bona. ¹⁴Yaba re wela fatshe kaofela, mme ka utlwa lentswe le re ho nna, ka puo ya Seheberu: Saule, Saule, o ntlhorisetsang na? Ho thata ho wena ho raha ditsenene. ¹⁵Ka re: O mang, Morena? A re: Ke nna Jesu, eo o mo hlorisang.