Diketso

¹³Jwale, moya wa borwa ha o qala ho foka butle, ba lekanya hobane ba se ba bone seo ba se pheheletseng, mme ba tloha, ba sika le Kreta. ¹⁴Empa ho se hokae, ha tsoha teng moya wa sefefo, o bitswang Euroklidone. ¹⁵Mme kahobane sekepe se ne se nkilwe ke moya, se sitwa ho o tadima, ra se lesa sa ya le wona. ¹⁶Eitse hoba re kgannelwe tlasa sehlekehleke se seng se bitswang Klauda, ra batla re sitwa ho hulela sekepana ho rona. ¹⁷Eitse hobane ba se hule, ba eketsa ka ho thusa ka ho hong, ba tlama sekepe katlase; mme kahobane ba ne ba tshaba ho kgarameletswa Sirte, ba kokobetsa masela, ba ineela moya jwalo. ¹⁸Hosasane, ha re ntse re tsokotswa hampe ke sefefo, ba qala ho lahlela diphahlo lewatleng. ¹⁹Ka la boraro, ra lahlela mesebetsi ya sekepe lewatleng ka matsoho a rona.