Diketso

²²Hobane Moshe o fela a boleletse bontata rona, a re: Morena, Modimo wa lona, o tla le hlahisetsa moporofeta hara banababo lona, ya jwaloka nna; le mo utlwe ditabeng tsohle tseo a tla le bolella tsona. ²³Mme e mong le e mong ya hanang ho utlwa moporofeta eo, o tla tloswa hara setjhaba. ²⁴Le hona baporofeta kaofela, ho qala ka Samuele, le ba mo hlahlamileng, bohle ba buileng ba porofetile mehla ena. ²⁵Ke lona le leng bana ba baporofeta le ba selekane seo Modimo o se hlabileng le bontata rona, wa re ho Abrahama: Ditjhaba tsohle tsa lefatshe di tla hlohonolofalla lelokong la hao. ²⁶Ke lona bao Modimo o qadileng ka lona ho le hlahisetsa mohlanka wa wona Jesu, wa mo roma ho tla le hlohonolofatsa, ka ho sokolla e mong le e mong wa lona bobeng ba hae.