Diketso
Khaolo 4:34-37
BIBELE e Halalelang
34Le hona ho ne ho se motho ya hlokang letho hara bona; hobane bohle ba neng ba ena le masimo, leha e le matlo, ba ne ba rekisa ka wona, ba tlisa theko ya tse rekilweng,
35ba e bea maotong a baapostola; mme e mong le e mong o ne a abelwa kamoo a hlokang kateng.
36Le yena Jose, ya reilweng Barnabase ke baapostola, e leng ho re, mora tshediso, ha ho fetolwa, e neng e le Molevi, ya tswaletsweng Sipera,
37o ne a ena le tshimo; a rekisa ka yona, mme a tlisa theko ya yona, a e bea maotong a baapostola.