Diketso

¹⁵ha ba ha tliswa ba kulang diterateng, ba bewa malaong le diphateng, hore, etlere Petrose ha a feta, ba bang hara bona ba mpe ba sirelwe ke seriti sa hae. ¹⁶Le batho ba metse e kamathoko ba ne ba etla Jerusalema ka bongata, ba tlisa ba kulang le ba tshwenngwang ke meya e ditshila; mme ba ne ba fodiswa bohle. ¹⁷Yaba moprista e moholo o a ema, le bohle ba nang le yena, e leng ba thuto ya basadusi, ba tletse mona; ¹⁸ba tshwara baapostola, ba ba kenya teronkong ya motse. ¹⁹Empa lengeloi la Morena la bula menyako ya teronko bosiu, la ba ntsha, la re: ²⁰Eyang, le eme tempeleng, le bolelle setjhaba ditaba tsohle tsa bophelo bona. ²¹Yare ha ba utlwa tseo, ba kena tempeleng ha bo esa, ba ruta.Empa moprista e moholo le ba nang le yena ba fihla, ba phutha lekgotla le baholo bohle ba bana ba Iseraele; yaba ba romela teronkong ho ya lata baapostola.