Diketso

¹⁸ba tshwara baapostola, ba ba kenya teronkong ya motse. ¹⁹Empa lengeloi la Morena la bula menyako ya teronko bosiu, la ba ntsha, la re: ²⁰Eyang, le eme tempeleng, le bolelle setjhaba ditaba tsohle tsa bophelo bona. ²¹Yare ha ba utlwa tseo, ba kena tempeleng ha bo esa, ba ruta.Empa moprista e moholo le ba nang le yena ba fihla, ba phutha lekgotla le baholo bohle ba bana ba Iseraele; yaba ba romela teronkong ho ya lata baapostola. ²²Empa bahlanka hobane ba fihle teronkong, ba fumana ba le siyo; ba kgutla, ba bolela, ²³ba re: Re fihletse teronko e kwetswe hantle, le balebedi ba eme pela menyako; empa hobane re bule, ha re a ka ra fumana motho ka teng. ²⁴Moprista e moholo, le molebedi wa tempele, le baprista ba baholo, yare ha ba utlwa dipolelo tseo, ba makala ke bona, ba re: Taba eo e tla fella kae?