Diketso

⁴Haele rona, re tla nne re tiisetse thapelong, le tshebeletsong ya lentswe. ⁵Polelo eo ya kgahlisa barutuwa bohle, mme ba kgetha Setefane, monna ya tletseng tumelo le Moya o Halalelang, le Filipi, le Prokore, le Nikanore, le Timone, le Parmena, le Nikola, moporoselite wa Antioke. ⁶Ba ba emisa pela baapostola; mme bao, hobane ba rapele, ba ba bea matsoho. ⁷Lentswe la Modimo le ne le ntse le tswela pele; mme barutuwa ba ne ba anafala haholo Jerusalema, ha ba ha dumela le baprista ba bangata. ⁸Setefane o ne a tletse tumelo le matla, mme o ne a etsa mehlolo le meeka e mengata hara setjhaba. ⁹Empa ba bang ba sinagoge e bitswang ya Batlamolohi, le ba ya ba Sirene, le ba ya ba Aleksandria, le ba ya ba Silisia, le ba ya ba Asia, ba ema, ba fetolana le Setefane. ¹⁰Ba mpa ba sitwa ho hanyetsa bohlale ba hae le Moya oo a buang ka wona.