Diketso

⁴A wela fatshe, a utlwa lentswe le reng ho yena: Saule, Saule, o ntlhorisetsang na? ⁵A re: O mang, Morena? Morena a re: Ke nna Jesu, eo o mo hlorisang; ho thata ho wena ho raha ditsenene. ⁶A re ka tshoho le ka thothomelo: Morena, o rata hore ke etse eng na? Morena a re ho yena: Tsoha, o kene motseng, mme o tla bolellwa teng seo o tshwanetseng ho se etsa. ⁷Banna bao a neng a tsamaya le bona, ba ne ba eme ba maketse; hobane ba fela ba ne ba utlwile lentswe, ba mpa ba sa bone motho. ⁸Yaba Saule o tsoha fatshe, mme ha a tadima, a sitwa ho bona motho; ba mpa ba mo tshwara ka letsoho, ba mo isa Damaseka. ⁹Mme ha feta matsatsi a mararo, a sa bone, a sa je, a sa nwe. ¹⁰Morutuwa e mong, ya bitswang Ananiase, o ne a le teng Damaseka: Morena a mmolella ka pono ya mohlolo, a re: Ananiase! Yena a re: Ke nna enwa, Morena!