28 neemvana ezimnyaka mnye zibe sixhenxe; nomnikelo wazo wokudla womgubo ocoliweyo, ugalelwé ioli, izahlulo zeshumi zibe zithathu kuyo inkunzi entsha yenkomo inye, nezahlulo zeshumi zibe zibini kuyo inkunzi yemvu inye,
29 nesahlulo seshumi ngasinye kuyo imvana enye, kuzo iimvana ezisixhenxe.
30 Nenkunzi yebhokhwe exhonti yoba nye, yokunicamagushela.
31 Ezo nto nòzenza ngaphandle kwedini elinyukayo lamaxesha onke, nomnikelo walo wokudla (zoba zezigqibeleleyo kuni), neminikelo yazo ethululwayo.