1 God het al hierdie woorde gepraat en gesê:
2 “Ek is יהוה, jou God, wat jou uit die land van Mitzrayim, uit die huis van slawerny, uitgelei het.
3 Jy mag geen ander gode voor My hê nie.
4 Jy mag vir jou geen afgod of enige verpersoonliking maak Rom 1:23 van wat bo in die hemele is, of van wat onder op die aarde is, of van wat in die waters onder die aarde is nie.
5 Jy mag jou voor hulle nie neerbuig en hulle nie dien nie, want Ek, יהוה, jou God, is ’n jaloerse Magtige God wat die oortredinge van die vaders besoek aan die seuns, aan die derde en aan die vierde geslag van die wat My haat,
6 maar omgee wys aan duisende, aan dié wat My liefhet en My opdragte uitvoer.Yog 14:15
7 Jy mag die Naam (Karakter en Outoriteit) van יהוה, jou God, nie valslik gebruik nie, want יהוה sal die een wat Sy Naam valslik gebruik, nie ongestraf laat bly nie.
8 Onthou om die Shabbatdag afgesonderd te hou.Yes 58:13; Mat 12:8; Heb 4:9
9 Ses dae moet jy werk en al jou besigheid doen,
10 maar die sewende dag is ’n Shabbat van יהוה, jou God; dan mag jy géén besigheid doen nie; nie jy of jou seun of jou dogter, of jou slaaf of jou slavin, of jou vee of jou besoeker wat by jou bly nie,
11 want in ses dae het יהוה die hemele en die aarde gemaak, die see en alles wat daarin isOpen 10:6 en op die sewende dag het Hy gerus; daarom het יהוה die Shabbatdag geseën en dit afgesonder.
12 Eer jou vader en jou moeder sodat jou dae verleng mag word in die land wat יהוה, jou God, aan jou gee.Mar 7:10; Efe 6:1-3
13 Jy mag nie moord pleeg nie.Mat 5:21
14 Jy mag nie egbreuk pleeg nie.Mat 5:27
15 Jy mag nie steel nie.
16 Jy mag nie vals getuig teen jou naaste nie.
17 Jy mag nie jou naaste se huis begeer nie; jy mag nie jou naaste se vrou begeer nie, of sy slaaf, of sy slavin, of sy os, of sy donkie, of iets wat aan jou naaste behoort nie.”Rom 7:7
18 Die hele volk het die stemme gehoor, die blitse, die klank van die ramshoring en die rokende berg gesien. Toe die volk dit sien het hulle gebewe en op ’n afstand bly staan.
19 Hulle het vir Moshe gesê: “Praat u self met ons en ons sal luister, maar laat God nie met ons praat nie sodat ons nie sterf nie.Deut 5:22-28
20 Moshe sê vir die volk: “Moenie bang wees nie, want God het gekom om julle te toets en sodat Sy vrees by julle kan bly sodat julle nie sondig nie.”
21 Die volk het op ’n afstand bly staan, maar Moshe het nader gegaan na die dik wolk waar God was.
22 יהוה sê vir Moshe: “So moet jy vir die seuns van Yisra’el sê: “Julle het self gesien dat Ek met julle van die hemele af gepraat het.
23 Julle mag nie vir julleself langs My, gode van silwer en gode van goud maak nie.
24 ’n Altaar van grond moet jy vir My maak en daarop moet jy jou brandoffers en vredesoffers, jou kleinvee en jou beeste, offer. Op elke plek waar Ek My Naam (Karakter en Outoriteit) sal laat onthou, sal Ek na jou toe kom en jou seën.
25 As jy vir My ’n klip altaar maak, mag jy dit nie bou van gekapte klip nie, want as jy jou gereedskap daaroor swaai, dan skend jy dit.
26 Jy mag ook nie met trappe na My altaar toe opgaan dat jou skaamte daaroor ontbloot word nie.”