1 Die woorde van Mu’el, koning en profeet, waarmee sy moeder hom geleer het:
2 o, my seun; o, seun van my baarmoeder; o, seun van my geloftes!
3 Gee nie jou krag aan vroue of jou lewenswyse aan die uitspattigheid van konings nie.
4 Vir konings, o Mu’el, wees versigtig vir konings wat wyn drink en vir prinse wat sterk drank drink
5 sodat jy nie drink en die wet vergeet en die regverdige oordeel van die geteisterdes nalaat, nie.
6 Gee sterk drank aan hulle wat besig is om te vergaan en wyn aan hulle wat ’n bitter lewe het
7 sodat hulle mag drink en hul smarte vergeet en hulle swaarkry nie meer onthou nie.
8 Maak jou mond oop met woorde van waarheid en oordeel al die seuns van die bose.
9 Maak jou mond oop, oordeel regverdig en bepleit die saak van die arme en die behoeftige.
10 Wie sal ’n ywerige vrou vind, want haar waarde is ver bo robyne?
11 Die verstand, wil en emosie van haar man vertrou in veiligheid in haar en haar kosvoorraad word nooit minder nie.
12 Sy doen goed aan hom en nie boos nie, al die dae van haar lewe.
13 Sy soek na wol en linne en werk gewilliglik met haar hande.
14 Sy is soos die handelaar se skip; sy bring haar handelsware van ver af in.
15 Sy staan ook op terwyl dit nog nag is en gee aan haar huisgesin kos en aan haar diensmeisies werk.
16 Sy ondersoek ’n stuk grond en koop dit; van die vrug van haar hande plant sy ’n wingerd.
17 Sy bind haar middel vas met krag en versterk haar arms.
18 Sy sien dat haar handelsware goed is, haar lamp gaan reg deur die nag nie uit nie.
19 Sy steek haar hande gretiglik uit en sit haar hande op die spinwiel.
20 Sy steek haar hande uit na die armes, ja, sy steek haar hande uit na die behoeftiges.
21 Die lede van haar huishouding is nie bang vir sneeu nie, want almal van hulle is in skarlaken stof aangetrek.
22 Sy maak vir haarself ’n bedekking van tapisserie, haar klere is van sy en purper.
23 Haar man is bekend in die stede, wanneer hy saam met die oudstes van die land sit.
24 Sy maak fyn linne en verkoop dit; sy voorsien gordels aan die handelaars.
25 Sterkte en eer is haar klere en sy sal haar verheug in die tyd wat kom.
26 Sy maak haar mond oop met wysheid en op haar tong is die wet van liefdevolle goedheid.
27 Die lewenswyse van haar huishouding is bo teregwysing en sy eet nie die brood van luiheid nie.
28 Haar seuns staan op en noem haar geseënd, ook haar man prys haar:
29 baie dogters het ryk geword, maar jy het hulle almal oortref.1 Kef 3:1-6
30 Gevormde uiterlike is bedrieglik en skoonheid is nietigheid, maar ’n vrou wat יהוה respekvol vrees, sal helder en duidelik geprys word.
31 Gee haar van die vrug van haar hande en laat haar eie werke haar helder en duidelik prys in die poorte.