2 Pasidunggan ko ang Ginoo tungod sa iyang mga binuhatan,ug hinaut nga ang mga dinaog-daog mamati ug malipay.
3 Uban kamo kanako sa pagdayeg sa Ginoo;maghiusa kita sa pagdayeg kaniya.
4 Nag-ampo ako sa Ginoo ug gitubag niya ako.Giwagtang niya ang tanan kong kahadlok.
5 Magmalipayon ang mga nagasalig kaniya,ug dili gayod sila maulawan.
6 Mitawag ang kabos sa Ginoo;gitubag niya kini ug giluwas sa tanang kalisod.
7 Ang anghel sa Ginoo nagabantay sa mga nagatahod sa Ginoo,ug moluwas kanila sa katalagman.
8 Sulayi ninyo ug inyong makita kon unsa kamaayo ang Ginoo.Bulahan ang tawo nga nagadangop kaniya.