51 Gipamatay niya ang tanang kamagulangang anak nga lalaki sa Ehipto — ang lugar sa mga kaliwat ni Ham.
52 Unya gipagawas niya gikan sa Ehipto ang iyang katawhan nga daw panon sa mga karnero,ug gigiyahan niya sila sa kamingawan.
53 Giubanan niya sila, busa wala sila mahadlok.Apan ang ilang mga kaaway nangalumos sa dagat.
54 Gidala niya sila sa yuta nga iyang gigahin, didto sa bukid nga iyang giilog pinaagi sa iyang gahom.
55 Giabog niya ang mga lumulupyo didto pahilayo sa iyang katawhan,ug gibahin-bahin niya ang maong yuta sa mga tribo sa Israel aron ilang panag-iyahan,ug gipapuyo niya sila didto.
56 Apan gisulayan nila ang Labing Halangdong Dios ug misupak sila kaniya.Wala nila tumana ang iyang mga sugo.
57 Nagpahilayo sila ug nagluib sa Dios sama sa ilang mga katigulangan.Dili sila kasaligan sama sa depektado nga pana.