18 Begira Israel herrian gertatzen denari: opariak jaten dituztenek ez al dute bat egiten aldarearekin?
19 Honekin ez dizuet esan nahi sasijainkoei egindako opariek baliorik dutenik, edo sasijainkoa zerbait denik.
20 Ez, noski! Deabruei eskaintzen zaizkie opari horiek, ez Jainkoari. Eta nik ez dut nahi zuek deabruarekin bat egiterik.
21 Ezin duzue edan Jaunaren kopatik eta deabruenetik. Ezin duzue parte izan Jaunaren mahaian eta deabruenean.
22 Edo sutu egin nahi ote dugu Jainkoaren haserrea? Bera baino indartsuago ote gara?
23 «Dena zilegi da»; bai, baina ez da dena komenigarri. «Dena zilegi da»; bai, baina ez da dena elkartea eraikitzeko lagungarri.
24 Ez bedi inor bere buruaren onaren bila ibil, besterenaren bila baizik.