2 «Hartu zeurekin Aaron eta beronen semeak; hartu jantziak ere, gantzuketa-olioa, barkamen-oparirako zekorra, bi ahari eta legamia gabeko ogien saskia,
3 eta bildu elkarte osoa elkarketa-etxolaren sarreran».
4 Jaunak agindu bezala egin zuen Moisesek. Elkartea elkarketa-etxolaren sarreran bildu zenean,
5 Jaunak egiteko agindu zuena adierazi zien Moisesek.
6 Gero, Aaron eta beronen semeak hurbilaraziz, uretan garbitzeko eskatu zien.
7 Ondoren, tunika jantzi zion Aaroni, gerrikoaz lotu eta mantua jarri; gainetik efoda ezarri zion eta xingolaz lotu.
8 Bularrekoa ipini zion, eta bertan «Urim» eta «Tumim» epaigailuak.