12 មិនឲ្យធ្លាក់ទៅក្នុងមាគ៌ាអាក្រក់ឬធ្លាក់ទៅក្នុងកណ្ដាប់ដៃរបស់មនុស្សដែលពោលពាក្យខិលខូច
13 ឬមនុស្សដែលបោះបង់ផ្លូវទៀងត្រង់ហើយបែរទៅរកផ្លូវងងឹតនោះឡើយ។
14 ជនទាំងនោះសប្បាយចិត្តតែនឹងប្រព្រឹត្តអំពើអាក្រក់ហើយត្រេកត្រអាលតែនឹងអំពើខិលខូច។
15 អ្វីៗដែលគេធ្វើ សុទ្ធតែវៀចវេរមាគ៌ារបស់គេមិនដែលត្រង់ទាល់តែសោះ។
16 ធ្វើដូច្នេះ កូននឹងមិនចាញ់ពាក្យផ្អែមល្ហែមរបស់ស្ត្រីដទៃ ដែលមិនមែនជាភរិយារបស់កូន
17 គឺស្ត្រីផិតប្ដីរបស់ខ្លួននិងក្បត់សម្ពន្ធមេត្រីរបស់ព្រះជាម្ចាស់។
18 អាកប្បកិរិយារបស់ស្ត្រីបែបនេះរមែងបណ្ដាលឲ្យគ្រួសាររបស់ខ្លួនស្លាប់និងនាំគេឯងឲ្យវិនាសបាត់បង់។