16 ធ្វើដូច្នេះ កូននឹងមិនចាញ់ពាក្យផ្អែមល្ហែមរបស់ស្ត្រីដទៃ ដែលមិនមែនជាភរិយារបស់កូន
17 គឺស្ត្រីផិតប្ដីរបស់ខ្លួននិងក្បត់សម្ពន្ធមេត្រីរបស់ព្រះជាម្ចាស់។
18 អាកប្បកិរិយារបស់ស្ត្រីបែបនេះរមែងបណ្ដាលឲ្យគ្រួសាររបស់ខ្លួនស្លាប់និងនាំគេឯងឲ្យវិនាសបាត់បង់។
19 ជនណាភប់ប្រសព្វជាមួយស្ត្រីនេះក៏ត្រូវអន្តរាយរួមជាមួយនាងដែរគឺរកផ្លូវទៅកាន់ជីវិតមិនឃើញទេ។
20 ដូច្នេះ ចូរកូនរើសយកមាគ៌ារបស់មនុស្សល្អនិងយកតម្រាប់តាមមនុស្សសុចរិត
21 ដ្បិតមនុស្សទៀងត្រង់នឹងរស់នៅក្នុងស្រុកនេះហើយមនុស្សឥតកំហុសនឹងនៅស្ថិតស្ថេររហូតតទៅ។
22 រីឯមនុស្សពាលវិញព្រះជាម្ចាស់នឹងកាត់កាល់ពួកគេចេញពីស្រុកហើយព្រះអង្គក៏ដកមនុស្សល្មើសវិន័យចេញពីស្រុកដែរ។