11 ព្រះអម្ចាស់ ជាព្រះរបស់ខ្ញុំ មានព្រះបន្ទូលថា៖«នៅគ្រាខាងមុខ យើងនឹងធ្វើឲ្យការអត់ឃ្លានកើតនៅក្នុងស្រុកតែមិនមែនការអត់ឃ្លានខាងអាហារឬការស្រេកទឹកនោះទេផ្ទុយទៅវិញ គឺការស្រេកឃ្លានចង់ស្ដាប់ព្រះបន្ទូលរបស់ព្រះអម្ចាស់។
12 ពួកគេនឹងដើរចុះឡើងពីសមុទ្រមួយទៅសមុទ្រមួយត្រាច់ចរពីទិសខាងជើង ទៅទិសខាងកើតដើម្បីស្វែងរកព្រះបន្ទូលរបស់ព្រះអម្ចាស់តែរកមិនឃើញឡើយ។
13 នៅថ្ងៃនោះ ស្រីក្រមុំដ៏ស្អាតៗ និងកំលោះៗនឹងអស់កម្លាំងដួល ដោយស្រេកទឹក។
14 អ្នកណាស្បថក្នុងនាមព្រះក្លែងក្លាយនៅក្រុងសាម៉ារីថា:“ខ្ញុំសូមស្បថ ដោយយកព្រះជន្មរបស់ព្រះនៅក្រុងដាន់ជាសាក្សី”“ខ្ញុំសូមស្បថ ដោយយកព្រះនៅបៀរសេបាជាសាក្សី”អ្នកនោះមុខជាដួលស្លាប់ក្រោកឡើងវិញមិនរួចឡើយ។»