8 quos imbres montium rigant,et non habentes velamen, amplexantur lapides.
9 Vim fecerunt deprædantes pupillos,et vulgum pauperem spoliaverunt.
10 Nudis et incedentibus absque vestitu,et esurientibus tulerunt spicas.
11 Inter acervos eorum meridiati sunt,qui calcatis torcularibus sitiunt.
12 De civitatibus fecerunt viros gemere,et anima vulneratorum clamavit :et Deus inultum abire non patitur.
13 Ipsi fuerunt rebelles lumini :nescierunt vias ejus,nec reversi sunt per semitas ejus.
14 Mane primo consurgit homicida ;interficit egenum et pauperem :per noctem vero erit quasi fur.