15 qui reliqui fuerint ex eo sepelientur in interitu,et viduæ illius non plorabunt.
16 Si comportaverit quasi terram argentum,et sicut lutum præparaverit vestimenta :
17 præparabit quidem, sed justus vestietur illis,et argentum innocens dividet.
18 Ædificavit sicut tinea domum suam,et sicut custos fecit umbraculum.
19 Dives, cum dormierit, nihil secum auferet :aperiet oculos suos, et nihil inveniet.
20 Apprehendet eum quasi aqua inopia :nocte opprimet eum tempestas.
21 Tollet eum ventus urens, et auferet,et velut turbo rapiet eum de loco suo.