21 si levavi super pupillum manum meam,etiam cum viderem me in porta superiorem :
22 humerus meus a junctura sua cadat,et brachium meum cum suis ossibus confringatur.
23 Semper enim quasi tumentes super me fluctus timui Deum,et pondus ejus ferre non potui.
24 Si putavi aurum robur meum,et obrizo dixi : Fiducia mea ;
25 si lætatus sum super multis divitiis meis,et quia plurima reperit manus mea ;
26 si vidi solem cum fulgeret,et lunam incedentem clare,
27 et lætatum est in abscondito cor meum,et osculatus sum manum meam ore meo :