3 Auris enim verba probat,et guttur escas gustu dijudicat.
4 Judicium eligamus nobis,et inter nos videamus quid sit melius.
5 Quia dixit Job : Justus sum,et Deus subvertit judicium meum.
6 In judicando enim me mendacium est :violenta sagitta mea absque ullo peccato.
7 Quis est vir ut est Job,qui bibit subsannationem quasi aquam :
8 qui graditur cum operantibus iniquitatem,et ambulat cum viris impiis ?
9 Dixit enim : Non placebit vir Deo,etiam si cucurrerit cum eo.